MCPS QuickNotes 


ክቡራትና ክቡራን እንኳን ለፋሲካው በዓል አደረሳችሁ! 
ከሞንጎመሪ ካውንቲ ፐብሊክ ስኩልስ የሚተላለፈውን አጫጭር ትምህርት ነክ ዘገባዎችን እንደሚከተለው በአማርኛ ቋንቋ እናስተላልፋለን።  
የሞንጎመሪ ካውንቲ ፐብሊክ ስኩልስ የትምህርት ካላንደር 182 የትምህርት ቀናትን እንደሚያካትት ይታወቃል።
ነገር ግን  በአስቸኳይ የአየር ሁኔታ በተደጋጋሚ ቀናት ት/ቤቶች በመዘጋታቸው ምክንያት የባከኑትን የትምህርት ቀናት
ለማካካስ የትምህርት ዓመቱ እስከ ጁን 15 ተራዝሟል።
 
በሞንጎመሪ ካውንቲ Educational Foundation በየዓመቱ ለሚደረገው “Are You Up to the 5th Grade Challenge?” የተሰኘ ዝግጅት ተሳታፊ እንዲሆኑ ተጋብዘዋል።
ይህ ዝግጅት በአካባቢው ታዋቂና ዝነኛ ግለሰቦችን እና የማህበረሰብ መሪዎችን ጭምር የሚያሳትፍ በሳቅ በጨዋታ የተሞላ የመወዳደሪያ ፕሮግራም ነው። ዝግጅቱ ሰኞ ኤፕሪል 16፣
6 p.m ላይ በ AFI Silver Theatre and Cultural Center, Silver Spring. ይደረጋል።  

አመታዊው የሞንጎመሪ ካውንቲ ናሽናል የኮሌጅ ፌር ማክሰኞ ኤፕሪል 10 እና ረቡዕ ኤፕሪል 11 ጌትስበርግ በሚገኘው Agricultural Center ይካሄዳል። ለተማሪዎች እና ለወላጆች ስለኮሌጅ መግቢያ ሂደት መገልገያዎችን እና መግለጫዎችን ለመስጠት ከበርካታ ኮሌጆች እና ዩንቨርስቲዎች ተወካዮች ይገኛሉ። ዝግጅቱ ለ 11ኛ ክፍል ተማሪዎች ከ 9:45 a.m እስከ 12:45 p.m ይካሄዳል። ከ 8 – 12 ክፍል ለሚማሩ ተማሪዎችና ለወላጆቻቸው ማክሰኞ ከ 6:30 p.m. እስከ 8:30 p.m ይካሄዳል።  

የሞንጎመሪ ካውንቲ ፐብሊክ ስኩልስ (MCPS) ወላጆች፣ ሠራተኞች እና የማህበረሰብ አባላት ለአምስተኛው ዓመታዊ የልዩ ትምህርት (special education summit) ስብሰባ እንዲሳተፉ ተጋብዘዋል። ስብሰባው ቅዳሜ ኤፕሪል 28 በኩዊንስ ኦርቻርድ ሁለተኛ ደረጃ ት/ቤት ከ 8:15 a.m.–1 p.m ይካሄዳል። ለመመዝገብ ስፔሻል ኢዱኬሽን ድረገጽ ይጎብኙ። 

በስፕሪንግ ወቅት የሚካሄደው የ MCPS Parent Academy ረቡዕ ኤፕሪል 11 ይጀመራል። ፓሬንት አካደሚ ወላጆች ልጆቻቸውን በትምህርት ስኬታማ እንዲሆኑ የሚረዷቸውን የተለያዩ ስልቶችን ያሰለጥናል። ሁሉም አውደጥናቶች በመላው የሞንጎመሪ ካውንቲ በት/ቤቶች እና በተለያዩ ስፍራዎች በነጻ የሚሰጡ ናቸው። የህፃናት እንክብካቤ እና የትርጉም አገልግሎት በየሥፍራው ይሰጣል። 

  ክቡራትና ክቡራን ከዚህ በላይ ያስደመጥናችሁን እና ሌሎችንም ዝርዝር ጉዳዮች ከ MCPS የድረገጽ ጣቢያ QUICK NOTES የሚለውን ገለጥ አድርጋችሁ ብታነቡ ስለ ልጆቻችሁ ትምህርት ብዙ ጠቃሚ መረጃዎችን ታገኛለችሁ። MCPS!