News

 የተወደዳችሁ የ MCPS ማህበረሰብ

 

በዚህ ምሽት፣ ስለ ኮሮና ቫይረስ (COVID-19) የመጀመሪያዎቹ 3 ክስተቶች በሜሪላንድ የተከሰቱት ከሞንትጎመሪ ካውንቲ መሆናቸውን ተረድተናል። ህመምተኞቹ ባለትዳሮች ሲሆኑ በ70ዎቹ እና አንድኛው በ50ዎቹ እድሜ ክልል የሚገኙ ናቸው። በሽታውን ያገኙት ከአገር ውጪ በተጓዙበት ሲሆን እነዚህ ግለሰቦች ከ MCPS ተማሪዎች ጋር ግንኙነት ነበራቸው ተብሎ እንደማይታመን ከስቴት ኃላፊዎች ተገልጿል። እንደምታውቁት በካውንቲው ካሉት ኤጀንሲዎች ጋር (የሞንትጎመሪ ካውንቲ የጤና እና ሰብአዊ አገልግሎቶች ዲፓርትመንት፣ እና የአስቸኳይ ጊዜ ማኔጅመንት እና ሆምላንድ ሰኩሪቲ፣ ጋር በትብብር እየሠራን እንገኛለን። በዚህ ወቅት ከጤና እና ሰብአዊ አገልግሎቶች ዲፓርትመንት የሚሰጠውን መመሪያ እየተከተልን ስለሆነ “ትምህርት ቤቶቻችን ክፍት ሆነው ይቆያሉ።” ወደፊት የትምህርት ቤቶች መዘጋት አስፈላጊ ሆኖ ከተገኘ በዝግጅት ላይ ስለምንገኝ፣ “የ MCPS ቤተሰቦች በሙሉ በዚህ ሁኔታ ውስጥ በንቃት እንዲከታተሉ እና ከኮሮና ቫይረስ ጋር የሚገናኙ ምልክቶች መከሰታቸውን ካመኑ በፍጥነት የህክምና አገልግሎት ሰጪዎቻቸውን እንዲያማክሩ እናበረታታለን።”

በቀጣይነት የሁኔታዎችን ወቅታዊ መረጃዎች ወደ እናንተ ማድረሳችንን እንቀጥላለን። ወቅታዊ መረጃዎችን ለማግኘት ይህንን ድረ-ገጽ ይጎብኙ፦ Visit the coronavirus webpage 

ከአክብሮት ጋር

 

የሞንትጎመሪ ካውንቲ ፐብሊክ ስኩልስ